XULKA QARANKA 20 & 17 JIRADA AH OO LA MAGACAABAY

20 March 2008

Waxaa dhawan magaalada Muqdisho  looga dhawaaqay xulka kubadda cagta qaranka Soomaliyeed kuwa ey da'doodu  kala tahay 20-jir iyo 17-jir oo uu labbadaba hor kacayo macalin Cabdi Faarax (Geelle), ku xigeena u yahay Cumar Caruus. Xulalkan ayaa lagu wadaa in ey ka qeyb galaan tartanka CAF. Kaas oo lagu wado in uu ka kala dhici doono dalalka Niger iyo Kenya .

Cayaaryahanadaan ayaa laga soo kala xulay kooxaha wadanka hada ka jira, waxayna kala yihiin magacyadooda iyo kooxaha ay u kala cayaaraan sida hoosta ku qoran:

MAGACA	BOOSKA	KOOXDA
Siidcali Axmed	Gool haye	Dakedaha
Qaalid Cali Mursal	Gool haye	Banaadir
Yaasiin Cali Cigaal	Difaac	Elman
Xasan Cali Rooble	Difaac	Elman
Anwar Sadaad Ibraahim	Difaac	Daallo
Ibraahim Axmed Maxamed	Difaac	Elman
Badri Macalin Axmed	Difaac	Elman
Maxamed Cumar Xasan	Dhexda	Elman
C/lahi Yuusuf Ismaan	Dhexda	Dakedaha
Mustaf Xasan Maxamed	Dhexda	Dakedaha
C/raxmaan Maleele	Dhexda	Dakedaha
Sheekhnuur Cismaan Aadan	Dhexda	Banaadir
Nuur Cabdi Muxuyadiin	Dhexda	Daallo
Maxamed Abuukar Dheere (Jeeg)	Dhexda	Elman
C/fataax Cabdi Ismaan	Jookar	Banaadir
Cusumaan Yuusuf Cusmaan	Weerar	Daallo
Wardi Xasan Kaafi	Weerar	Daallo
Daadir Maxamed Muqtaar	Weerar	Banaadir
Muxuydiin Bulaale	Weerar	Elman
Yuusuf Geedi Sheegow	Weerar	Dakedaha
Caadil Nuur Cali	Weerar	Dakedaha
Siidii Maxamed Cumar / heerka 2aad	Weerar	Daallo

Hadaba si aan wax badan uga ogaano xulista cayaaryahanadaan, ayaan waxaan wax ka weydiinay macalinka xulka qaranka kubadda cagta Soomaliyeed oo layliya hada cayaaryahanada da'doodu tahay 20-jir iyo 17-jir ka Macalin Geele. 

Macalin Geele waxaan marka hore weydiinay diyaar garoowga xulka. Waxa uuna ku jawaabay “waqtiga diyaar garoowgeena ma badna, balse  waan dadaaleynaa waxana wataa cayaartoy aad u da'yar. Waxaan kaloon waydiinay  rajada uu is leeyahay cayaaryahanadaan waa keeni karaan.

macalin Cabdi Faarax (Geelle)

Wuxuuna yiri “hadii dalalka an la cayaari doono ey la soo shir tagaan cayartooy sidooda oo kale da'yar waxaan qabaa in aan keeni karno natiijo fiican”.

Sidoo kale waxaan wax ka weydiinay in ay jiraan cayartooy ka imaaneysa dalka dibadiisa. Waxuuna ku jawabay “waxaan hada hubaa 3 ciyaartooy oo hada ku sugan dalka Jabuuti, kuwaasi oo safarkii hore ee Qaranka nooga soo haray dalka Jabuuti oo ku biiray kooxaha kala duwan ee dalkaasi ka dhisan, oo aan filaayo in ay nagu soo biiri doonaan. Cayaaryahanadaas oo lagu magacaabo: C/casiis Hoomi, Maxamed Yare iyo Cabdi Waaxid ”.  Waxaa kaloo uu raaciyay macalin Geele “waxaa kaloo jira balse aan weli la hubin cayaryahan da' yar oo nalooga sheegay dalka Talyaaniga oo lagu magacaabo Ayuub Daa'uud.”

Hadaba bahda wabka kubadda.com waxaan dib idinkugu soo sheegi doonnaa hadii ey suura gal noo noqoto in ciyaaryahankaasi Talyaaniga joogo ku soo biiro xulkiisa Qaran iyo hadii ciyaar yahanadaan hada aan xulnay aan wax ku darno ama ka dhimno, war bixinadeena danbe haduu Eebe idmo iyo halka uu ku danbeen doono diyaargaroowga aan hada ku jirno.

Mahad Axmed Tagoow Kubadda.com - Xafiiska Muqdisho Email: mahad@kubadda.com Tel 002521-5589345