ISKUAADKA KOOBKA DADYOOWGA AFRIKA OO BISHAAN GUDAHEEDA LAGU QABANAYO DALKA GHANA

09 January 2008

Qaar ka mid ah cayaaryahanada reer Africa ee ka cayaara koobabka Europe, ayaa cadeeyay in sanadkaani uu aad uga adag yahay sanadihii la soo dhaafay, koobka African Cup of Nations oo lagu wado in uu ka furmo magaalada Accra ee dalka Ghana, bishu markay tahay 20-ka Janaayo 2008.

Cayaaryahanka reer Senegal El Hadji Diouf, oo weligeed, dalkiisu aynan ku guulaysan koobka African Cup of Nations ayaa saadaalinaya in ay sanadkaan ku rajawayn yihiin in ay ka keenaan guulo la taaban karo.

El Hadji Diouf, mar uu la hadlayay BBC-da, ayuu u sheegay in farxad kaga wayn aysan jirin, in uu ku badiyo sanadkaan koobka lagu qabanayo Ghana . Inkasta uu yiri sanadkan aad ayuu uga adag yahay marka taariikhda dib loo raaco sanadihii la soo dhaafay. Maxaa yeelay waxaa ka soo qayb galaya wadamo aad u adag, oo wato cayaaryahano heer caalami ah oo aad u cayaar fiican. “hadii aan u cayaarno sidii aan u cayaarnay usoo bixitaanka tartankaan bilowgiisii, waxaan qabaa in aan fursad (chance) fiican leenahay” ayuu yiri Diouf.

El Hadji Diouf

Wuxuu kaloo cadeeyay in hadii la bedeli karo la bedelo xiliga ama bilaha la cayaaro koobka Africa Cup of Nations, maxaa yeelay ayuu yiri waxay ku tahay caqabad cayaaryahanada ka cayaara wadamada reer Europe, sida aniga Didier drogba, Samuel Eto's iyo kuwo kale oo fara badan oo aan halkaan magacyadooda ku soo koobi karin.

Waxaan soo jeedinaynaa kuligeen, jeclaan-na lahayn mustaqbalka, in laga dhigo qabashada tartankaan bisha June, hadii taasi dhacdona wax dhib ah kalama kulanayn wadamada aan ka dheelno.

Asagoo u hadlayay si qiiro ka muuqato ayuu u raaciyay wariyihii ka socday BBC-da “waxaad ogaataan in aan ahay nin u dhashay reer Afrika, kuna farxsan. Wadankayguna uu igala wayn yahay kooxaha aan u dheelno. Kooxuhuna waa in ay ogaadaan waxa aan ka maqnaanayno in ay tahay oo qura HAL bil, waana in ay noo rajeeyaan in aan guul la soo hoyano, anagana intaan ka maqan nahay ayaga waxaan u rajaynaynaa sidoo kale”.

ISKUAADKA IYO WADAMADU SIDAY ISKU ARKAYAAN: