|
Wadanka Canada, magaaladiisa Toronto ayaa waxaa ka bilowday tartan kubadda cagta ah bishaan 15-keedii kaasoo sanadkasta bishaan oo kale la qabto, magaciisuna yahay koobka ramadanka oo sanadkaan si qaas ah loogu magac daray Allaha u naxariistee Aabihii Sportiga Soomaaliyeed Baaba Nuur Xuseen.
Ciyaarahaas ayaa waxaa soo qaban qaabiyeen Ururka lagu magacaabo Today. Kaasoo ka kooban ciyaartooydii hore ee ka cuslaatay kubaddaha qaasatan kuwa cagta, iyagoo ay wehliyaan ciyaartooydii hore ee Kubadda Kolayga.
Tartankaan ayaa lagu qabtay garoonka lagu magacaabo Socer Center, oo ah garoon aad u qurux badan.
Kooxaha ka soo qayb galayna waxay dhamaayeen ilaa iyo 9-aal
koxood, kuwaas oo kala ahaa Iftin, Albion, Waamo, Ciyalka xaafada, Maanta computer,
Somali united, North star, Daljirka iyo Qodxaaley.
Kooxaha ayaa loo kala qaybiyay laba qaybood oo kala ah group A iyo group B. Habeenkii furitaanka ayaa waxay ku bilowdeen si dar dar leh, oo aad moodo in ay isku awood sheegteen.
| 
